Heng mite hian Mexico chhim lama khawpui pakhat Tapachula panin Guatemala leh Mexico inrina an kan a, United States lam pana thawh chhuah an tum chu Sipaiten phaw leh mittui tlakna hlo hmangin an lo dang a ni.
Pem zinga mi pakhat chuan mihringte dikna chanvo neih chu an chan ve phak loh thu a auchhuahpui a, an zingah nu naupai leh naupangte pawh an tel a ni. Sipaite chuan heng mite hi raltlante hren lailawkna, immigration detention center Siglo 21 tia hriatah dah an tum a ni.
Hetihlai hian Regional migrant rights defenders chuan pem mite chunga tihluihna hman chu na takin a dem a, Guatemala City Migrant Shelter director, Father Mauro Verzeletti pawhin Mexico sorkar chet dan chu mipuite zalenna inrahbeh sakna a ni a ti a, President Andrez Lopez Obrador-a hmaikawr vuah chu tla-in, Donald Trump-a laka ham\hatna a hmuh theih dan tur a ngaihven zia chu tihlangin a awm a ni a ti bawk.
Mahni sahimna zawnga ramdanga pem tum raltlante hian Ningani zing khan Guatemala ramri an k^n a, Tecun leh Talisman ramri inkara Suchiate lui dung chu zawhin Mexico-a an lut anga, chuta \ang chuan US lam pan zel an tum a ni.
