Chhanchhuah hna thawk mektu Lawng sipai thupuangtu chuan ruang hi khur chhunga ft 210-a thhukah remote hmanga khalh theih tuichhung luhna (underwater ROV) hmangin tukin zing dar 9:31 khan hmuhchhuah a ni tih a sawi a, ruang hi lak chhuah a ni tawh a, doctor te endikna hnuaiah khur atangin lakchhuah a nih tur thu a sawi.
Meghalaya lungalhthei khura tang mi 15 te chhanchhuah hna hi Indian Navy, Coal India, National Disaster Response Force, Odisha Fire Service leh tui pump-na khawl siamtu Kirloskar ten an thawk a, Meghalaya sorkar chuan National Geophysical Research Institute leh National Institute of Hydrology-a mithiamte pawh a ruai tel bawk a, Lungalhthei khur chhunga tui tam lutuk chu pump chhuah sen a nih loh avangin chhanchhuah hna hi a kaltluang lo hle a, December ni 13-a khur chhunga lut tawh, mi 15 te hi dam chhuah ngaihna awm tawh lova ngaih a ni.
