He thu hi vawiina Hotel Regency-a thuthar thehdarhtute a kawmnaah sawiin, Pu James Sangma chuan National People’s Party chu Mizoramah din ve tum a nih thu a sawi a, tun thla ni 29 karleh, Inrinniah an party President, Meghalaya Chief Minister ni lai, Pu Conrad Sangma chu Aizawl lo kalin Aijal Club-ah a hawng dawn tih a sawi. Zawhna chhangin an Party thil tum chu party hrang hranga awm hmarchhak biala tribal-ten inpawh tawnna neia Central sorkara aw an neih ve theihna tur siam a ni a ti a, an ngaihpawimawh chu tribal te ham\hatna leh hmasawnna a ni a ti a, NPP chu national party nimahse, hmarchhak bial mipuite tana thil \ha ngaihtuahna rilru pu niin a sawi. Pu James Sangma chuan an party chu sorkar laipuia NDA thawhpuitu leh hmarchhak biala North East Democratic Alliance thawhpuitu nimahsela, a thil ngaihpawimawh chu hmarchhak biala tribal-te ham\hatna niin a sawi a, sorkar laipuiin Citizenship Amendment Bill, 2016 siam a tum pawh an party chuan a dodal niin a sawi bawk.
Zawhna dang chhangin Meghalaya Home Minister chuan NPP chuan Meghalaya-ah seat 40, Rajasthan Assembly-ah seat 4 leh Arunachal Assembly-ah pawh seat 7 a nei niin a sawi a ni. NPP hruaitu Mizorama lo zin hi an party Convener, Pu Lianzuala leh hruaitu dangten an \awiawm a, thuthar thehdarhtute a kawm hma hian a thlenna hotel Regency-ah Pu Lalrinliana Sailo MLA pawhin a hmu a, hemi chungchanga zawhna chhangin Pu James Sangma chuan Pu Lalrinliana Sailo chu amah aia senior daih, tun hmalam a\anga a hriat tawh a nih thu leh \hian inhmu satliah an nih thu a sawi a ni.
