Tynsong chuan an state mi leh sa, state danga tangkhangte haw-na tur rel a bikin a ruahman a, he rela chuang, sum lama harsatna tawk zawng zawngte senso chu Meghalaya sorkarin a tumsak dawn tih sawiin mipuite chu lungngai lo turin a chah a, hetihlai hian an state mi leh sa te haw-na tur, Railways Ministry-a an dil chu ngaihchan mek a ni tih a sawi bawk. Meghalaya-a haw tur te chu mi 4,161 an tling a, chung zingah chuan state 16-a zirlai leh hnathawka awmte an tel a ni.
Nagaland-ah pawh state 6-a tangkhang te hruai hawtu bus leh mimal lirthei chi hrang hrang chuan Dimapur a thleng tawh a, heng lirtheiah te hian mi 190 an chuang a, Dimapur an thlen hnu hian an hriselna dinhmun enfiahsak vek a ni a, Nagaland sorkarin quanrantine facility center a buatsaihah khung hran nghal an ni.
Arunachal Pradesh-ah pawh State danga tangkhang mi 6,000 vel rel hmangin hruai haw an ni ang.
