Chhanchhuah hna thawktute aiawha thusawitu Reginald Susngi sawi danin Deputy Commissioner F.M Dopth a chuan mitthi chhungte chu tui chhung luhna khawl under water ROV hmanga ruang thla lak chu a hmuhtir a, mi thiam te’n ruang hi lakchhuah anih dawn chuan taksa bung hrang hranga lak chhuah a ngai dawn tih an sawi chu hrilhfiahin, chutianga lakchhuah chu rem an tih leh tih loh a zawt hmasa a ni, ruang hi feet 210 atangin feet 100 pawhchhoh tawh a a ni a, a taksa peng thenkhatte chu a bal nual tawh nia sawi a ni.
Puk chhunga tang chhungte chuan an taksate hi lakchhuah a, phum a, mumal taka vui liam an duh thu an sawi a. Ruang hi December 13-an tan \an ni a\anga ni 32 hnuah hmuhchhuah a ni a, chhanchhuah hnathawkte chuan midang mi 14 te ruang an la zawng mek a ni.
