Nau piang hlim thi an tlem theih nana \an l^kna, Infant Mortality Rate (IMR) Incentive Grant, Rs. 42,25,000 hmanga lei, Medium Ambulance pahnih, Advance Life Support Ambulance leh Basic Ambulance chu Health Minister, Pu Lal Thanzara’n vawiin khan Health & Medical Education Director, Dr. T Lalhmangaihi hnenah a hlan. Hemi puala inkhawm, Chief Minister Conference Hall-a neih hi Health Secretary, Pu Lalrinliana Fanai-in a kaihruai a, Health department hotute an tel a ni.
Medium Vehicle Ambulance hi Madhya Pradesh-a AEON Medical Pvt. Ltd., lndore a\anga lei a ni a, Advance Life Support Ambulance hi ICU anga hman theih tura thuam a ni a, Transport ventilator, Multi Parameter Monitor leh BP enna inkawp te, SPO2 Probe, ECG Cable, Charging Cable, Infusion Pump, Laryngoscope set, Suction Machine, Oxygen Flow Meter leh humidifier inkawp, Folding Stretcher bakah kaimei chhuah thula invenna tur Fire Extinguisher te dah a ni. Heng khawl hrang hrang hman dan hi Aizawl Civil Hospital Doctor-te pawh zirtir an ni tawh bawk.
