Mizote suangtuahna khawvel thawnthu ngaihnawm tak “Maymyo Sanapui” hmanga thu leh hla lama tuimi Mizote thinlung kaihruaitu Capt C Khuma hi Ailawng khuaah piangin Burma sipaiah a pension thlengin a \ang a. Kum 1990 khan a chenna in Rangoon-ah a thi a ni. Kum 1996 khan Mizo Hlakungpui Mual-ah seng luh a ni a, a kut chhuak – Chhingkhual lungdi, Maymyo Sanapui, Phuloh zunlêng, Fahrah nun tihte chu Zofate thinlunga hriatreng hlawh a ni. Capt. C. Khuma savun bag, enlenna, ziakfung leh tiang te chu Hlakungpui Robawma dah luh a lo ni tawh a, vawiina Hlakungpui Robawm tlawhtu a fanu Prof. Esther Khuma hian a pa kutziak leh a hmanraw hlui an la dah \hatte chu Mizo Hlakungpui Mual-a dah luh leh an la duh tih Mizo Hlakungpui Mual Committee-te a hrilh a ni.
