Yogi Aityanath-a sorkar chuan kum 2017 khan hemi chungchangah hian Gomti Nagar police station-ah thubuai a ziaklut a, kum 2018 April thla khan thubuai hi CBI kutah an hlan a, Mayawati kaihhruai Bahujan Samaj Party sorkarna hnuaiah kum 2010 leh 2011 inkar khan Uttar Pradesh State Sugar Corporation hnuaia awm chini siamna hmunpui 21 te hralh a ni a, lehkha pawimawh phuahchawp a awm bakah a hralhna man a tlawm hle a, Comptroller and Auditor Genral sawidan chuan state sorkar hian cheng vbc 1,179 zet a hloh a ni.
CBI chuan heng chini siamna hmunpuite hralh anih danah thil felhlel a awm avangin chhui tura ngenna 6 an dawn tawh thu an sawi a, FIR-a hming 7 ziahlan te hi puanchhuah ni lo mahse politician leh sorkar hnathawk te an inrawlh dan an chhui chiang dawn tih an sawi.
