He live blog hi tihtawp a ni tawh e.
May ni 3, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Case awm zat – 28070 (punna – 1535)
Enkawl dam – 10886 (punna – 869)
Thi zât – 1306 (punna – 83)
(punna hi May ni 2 tlai dar 5:00 thlenga chhinchhiah zat nen khaikhin a ni.)
10:55 PM
Bihar: Case thar 35 a awm belh a, a vaiin 516 a awm tawh
10:15 PM
Tripura: Ambassa-a BSF 138th Unit-a awm lai sipai 12 test-ah an positive belh a, Tripura-ah hian case 16 a awm tawh a, mi 2 enkawl dam an ni tawh a, enkawl lai 14 an awm mek a ni
10:13 PM
UK: Covid-19 vanga thi 315 an awm belh a, a vaiin mi 28,446 an thi tawh a ni
10:05 PM
Maharashtra: Covid-19 case 12,974 a awm tawh
9:52 PM
Delhi: Ni khat thilthua case thar awm zat chu 427 a ni
9:08 PM
Pune: Mi 463 enkawl dam an ni tawh
8:32 PM
Mumbai: Dharavi-ah case thar 94 a awm belh a, a vaiin 590 a awm tawh
8:29 PM
Gujarat: Case thar 374 a awm belh a, a vaiin 5000 chuang a awm tawh
7:58 PM
Ram rhang hrangah inkharkhip thlahdul zel a ni a, UK leh Russia ram erawh chuan an la harsat hle
7:45 PM
Delhi: BSF sipai 25 test-ah an positive belh
6:41 PM
Rampumah case 40,263 a awm tawh a, mi 10,887 enkawl dam an ni tawh
6:13 PM
Sorkar laipuiin inkharkhip inkaihhruaina a siam zawng zawng Delhi sorkarin a zawm dawn a, khawpui chhung hmun thenkhat chauh Red Zone-a puang turin rawtna thlen a ni ang: CM Arvind Kejriwal
5:47 PM
Nepal: Case thar 10 a awm belh
5:35 PM
May ni 5 (thawhlehni) hian Human Resources Ministry-in JEE leh NEET exam hun tur a puang dawn
5:27 PM
Indore khawpuiah Covid-19 vanga thi 76 an awm tawh
5:22 PM
Uttar Pradesh: Case thar 92 a awm belh a, a vaiin 2,579 a awm tawh
5:21 PM
Assam CM Sarbananda Sonowal-a’n an state sum dehchhuah tlahniam tiziaawm turin ruahmanna siamtu tur Economic Advisory Committee a din
5:07 PM
Kerala: Case thar a awm belh lo a, enkawl lai mi 95 an awm
5:02 PM
State inkalpawh tawn chungchanga harsatna tawkte puihtu tur, control room Home Ministry-in a din dawn
4:52 PM
Pope Francis-a’n Covid-19 hri venna, vaccine zawng chhuak turin ram hrang hrangte thawkho turin a sawm
4:51 PM
Noida: Mi 7 enkawl dam an ni
4:11 PM
Delhi: Case thar 17 a awm belh
4:00 PM
US Air Force leh Navy-te’n Covid-19 do kawnga hnathawkte chibai bukna atan khawpui hrang hrang thlawhnain an thlawh khûm ve
3:58 PM
Vawiin khan Russia-in case thar 10,633 a chhinchhiah a, hei hi ni khat thil thua case a la pun tam ber tum a ni
3:57 PM
UAE atanga lo haw tum khua leh tui mi 150,000 chuang an awm tawh
3:35 PM
Vawiin (May ni 3) hi khawvel puma press lam zalenna chhinchhiahna ni champha (World Press Freedom Day) a ni a, Union Minister Amit Shah-a’n media mi te chibai bukin democracy chawi nungtu pawimawh tak an nih piah lamah, Covid-19 do kawnga an thawhrimna te chu fak phu a tih thu te a sawi a, media lama thawkte’n hriselna tha an neih theihna atan a duhsakna a hlan bawk a ni
3:16 PM
Delhi High Court-a thawk pakhat test-ah a positive
2:53 PM
Kanpur: Police 11 test-ah an positive belh a, a vaiin 34 an positive tawh
2:18 PM
Rajasthan: Cases thar 29 a awm belh
1:46 PM
Indian Air Force thlawhnate’n Coronavirus do kawnga a hmatawnga awm police leh medical mite chibai bukna atan khawpui hrang hrang an thlawh khûm a, helicopter-te’n hmun hrang hrangah pangpar an thlak bawk
12:01 PM
Delhi-a CRPF hmunpuia thawk mi pakhat a positive avangin tlawhpawh theih loha khar rih a ni
11:26 AM
Uttar Pradesh: Positive thar mi 21 an awm
10:19 AM
Delhi: Kapashera-ah building pakhata cheng mi 41 test-ah an positive
09:46 AM
Rajasthan: Case thar 31 a awm belh
09:33 AM
Rampumah Coronavirus case awm zatin 39,900 a pel tawh a, im 1301 an thi tawh: Health Ministry
08:08 AM
UK-ah Covid-19 vanga thi zatin 28,000 a pel tawh a, thi zat tam lamah Italy a tluk tep tawh a ni
08:00 AM
Singapore-in inkhuahkhirhna ṭhenkhat thlah dul dawn
