He inkaihhruaina thar ang hian ram dang nena inrina leh State dang nena inrina te chu khar chhunzawm zel a ni ang a. Bairabi leh Vairengte kaltlang kawngpuite erawh chu phalna nei bungraw phur lirtheite tan hawn chhunzawm a ni ang. Mipui zin veivahna lirthei erawh tlan khap chhunzawm a ni.
Lo neitu leh huan neitute, ran vulhtute, sangha dil neitu te leh a thawktute chu phalna hranpa lak ngai lovin an hna thawh phalsak an ni a. Hmun khata mi 5 aia tam awmkhawm erawh khap a ni a. Electrician, plumber, mechanic, thing leh cement mistiri leh helper-te pawh an hnathawhna Village/Local Task Force-te hriatpuina in hna an thawh phalsak an ni.
State pawn atanga bungraw lakluh theih zingah nitin mamawhte chu phalna hranpa lak ngai lovin lak luh theih a ni ang a. SDO(C), Vairengte emaw SDC, Bairabi hnenah emaw an bungraw lakluh an hriattir a \ul dawn a. Bungraw dang la lut turte erawh chuan Home Department phalna an lak hmasak a \ul dawn a ni.
Mizoram chhunga thilsiam, ran vulh leh tharchhuah te chu Mizoram chhunga hmun hrang hrangah bungraw chet tanna tur district-a Deputy Commissioner te phalna-in thawn chhuah theih a ni dawn bawk.
Mipui kharkhipna hnuaiah Social distancing zawm chunga phalna hranpa lak ngai lova kalpui theih turte chu:
1.Hospital, nursing home, clinic, laboratory, vaccination, OST centre, ART centre, ambulance service, blood bank leh damdawi dawr te,
- Veterinary hospital, dispensary, clinic, zoo, hatchery leh vaccination.
- Agriculture, horticulture, sericulture, animal husbandry leh fisheries hna leh a kaihhnawih thlai chi, leitha, ranchaw leh hmanraw dawr te,
- Bank, insurance, ATM leh postal service, blood donation camp/service te.
- Kohhran office a hnathawk pawimawh zual kohhran office hotu berin lehkha a siamsak te,
- Power & electricity, tui semtu, mimal tui chawi te, vantlang hmun tifaitu leh bawlhhlawh paihtute, telecommunication, internet service, broadcasting leh cable service lam te.
- Petrol/Diesel filling station leh LPG te,
- Ration dawr te.
- Nau pai, nausen pawmlai leh naupang te hnena chaw \ha sem te,
- Bawnghnute sem leh lakkhawm te,
- MGNREGS, MPLAD leh MLALAD hnuaia hnathawh te.
- Print leh electronic media, leh chanchinbu sem te.
- Bungraw load leh unload hna te chu phalna hranpa lak ngai lova thawh theih a ni.
Mipui punkhawmna hmun Public park, picnic spot, community hall, restaurant, shopping complex, mall leh intawllenna hmun zawng zawng te chu khar chhunzawm tur a ni a. Zirna in leh Sakhaw biakna hmun te pawh khar chhunzawm zel a ni ang. Board exam la zawhfel lohte erawh chu an zawh fihlim theih dan tur Sorkarin a ruahman angin kalpui a ni ang a. Mithi vuina ah mi 20 aia tam punkhawm phal a ni lo.
State dangah leh Mizoram chhung district dangah te mipui zin leh veivah khap a ni a. Chhiat tawh thil ah thisen zawmpui chhungkaw hnai zual bik leh dam lohna avanga loh theih loha zin ngaite chuan an awmna DC te hriattirin Local Task Force te phalna an la thei dawn a ni.
Mi 5 aia tam punkhawm khap chhunzawm a ni a, \ul bik thil – damdawi lei, buhfai/ration lak, chawhhmeh leh ei bar lei tura chhuah zawk tih lohah chuan mahni in leh compound chhuahsan lo tura mipuite hriattir an ni a. Pawn chhuak tur leh damdawi in a kal turte chuan an hmai an tuam ngei tur a ni a, vantlang hmun leh dawra kalte chu metre khat tala inhlata awm tur a ni a, phalna neia dawr hawnte chu tlai dar 5:00-ah khar vek tur a ni.
Khawtlanga inkharkhipna kalpui chungchangah hian LLTF/VLTF te chu an bial chhung \heuhah an hmalaknate chhunzawm tura beisei an ni.
Sorkar dept. zingah Health services, Police, home guards, civil defense, fire & emergency services, disaster management, civil aviation, prisons, excise & narcotics, municipal services, forest field works, PHE, P&E te chu a pangngaiin pisa an kai tawh dawn a. Sorkar office dang– secretariat, directorate, district administration leh field office dang te pawh hawn an ni ang a. Group A & B officer te chu dan pangngaiin office kal vek tur a ni. Group C & D te erawh chu hmun thuma thena hmun khat zelin an in kal chhawk ang. Secretary, Head of Department emaw Head of Office ten inkalchhawk dan tur an ruahman ang a, a \ul dan a zirin Group C & D te hi hmun thuma thena hmun khat aia tam pawh kaltir theih an ni ang.
Hmasawn nana hnathawh \ul – lungrem, kawng siam, building sak, kawng laih, lei dawh te leh a kaihhnawihte chu DC te remtihna la in thawh phal a ni dawn a. Heng hnate hi ram chhunga awm sa labour te chauh ruaia thawh phal a ni thung.
DC phalna in quarry a lung lak te, block leh brick siam, rawra her leh chhut leh thingzai khawl-a thingzaite pawh a theih dawn a. DC phalna in courier service, e-Commerce leh home delivery service hmanga nitin mamawh, a bikin ei leh in tur, damdawi leh a kaihhnawih thil pe chhuaktute pawh an hna an thawh phalsak an ni ang.
Mipui khuahkhirhna engemawchen thlahdul a nih rual hian Hmunkhata mipui pungkhawm tur ven nan bazarpuia thlai leh thildang zawrh chu khap chhunzawm a ni a. Mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawkah chawhmeh lei theihna tur DC tinin VLTF leh LLTF te nen an ruahman dawn a ni.
