Siaha District-a Maubawk khuaah Mara Hmeichhe Pawl (MCHP) Branch huaihawtin naupang kum tling lo pawngsual a nih avanga lungawi loh entir nan kawng zawh a ni. Siahaa kan Corr. sawi danin hmeichhe naupang pawngsualtua puh hi Maubawk Primary School-a mi aiawha Hindi zirtirtu hna thawk, Robert Nohro, kum 44 vel mi a ni a, he naupang hi kum 2016, July thla daih tawh khan a pawngsual tih naupang hian tun hnuah a sawi chhuah avangin Robert Nohro hi tun thla ni 4, kar kal ta Ningani khan Siaha Police-ten an man a, Protection of Children from Sexual Offences Act, 2012 tlawh chhanin thubuai rit tak siamsak a ni a, tunah hian Jail-ah dah niin Police-te chuan an sawi.
(Dinga)
