Aizawla Laipuitlang Branch YMA leh SIPMIU \angkawpin faina leh thianghlimna kawnga hma an lakna tur, Mass Awareness Campaign on Cleanliness chu tukin khan hawn a ni a. Laipuitlang Thirhruibankawna a hawnna inkhawm hi Laipuitlang Br. YMA Sanitation Committee Chairman, Tv. Darremsanga’n a kaihhruai a, SIPMIU Program Director, Pu Valbuanga, Laipuitlang Local Council Chairman, Pu Vanlaldika leh Branch YMA President, Pu Vanlalmuana’n thu an sawi a. An veng chhung zirlaite tana faina chungchang lemziah leh thu inziah siaka ti\hate hnenah lawmman sem nghal a ni bawk. Faina beihpui thlak hawnna inkhawm neih zawh a nih hian Laipuitlang veng chhunga zirlaite chuan an veng chhung Pisa hrang hranga thawktute hnenah faina kawnga inzirtirna thuziak an sem a, mipuite chu khawlaia bawlhhlawh paih mai mai lo turte, Meizial bung leh kuhva eina paih mai mai lo turte, kuhva eina chil chhak lo tur leh bang leh banahte chinai tat lo turin an ngen a ni. Laipuitlang khawtlang hian hun engemaw chen kalta a\ang khan faina kawngah hma la tawhin, \um 10 zet veng fai lawmman a lo dawng tawh a. Kum 2013 a\ang khan SIPMIU nen \angkawpin an veng chhung in tinah bawlhhlawh \awihthei leh \awihthei lo an lo thliar hrang tawh a ni.
