Facebook dintu leh hotupa, Mark Zuckerberg chu nimin khan US Congress-ah a inlan a, tunhnaia Cambridge Analytica-in Facebook kaltlanga mimal chanchin \hahnem tak a lakkhawm chungchangah mimal taka a mawhphurhna-a a lak thu a sawi. Zuckerberg chuan hetiang thil thlen tir a tum tawh loh thu uar takin a sawi bawk a, kumin-a inthlanpui nei tur ram hrang hrang, India, Brazil, Mexico, Pakistan leh Hungary-ah te inthlanna felfai tak a awm theihna’n an theihtawp an chhuah dawn tih a sawi bawk a, Facebook kaltlanga thu dik tawk lo thehdarh te, midang huatna thu thehdarh te leh ram inthlanpuia inrawlh theihna tur thil-te an lo veng \ha tawk lo chu pawi a tih thu te leh, Cambridge Analytica nena inzawmna nghet nei an nih loh thu te, Facebook kaltlanga mimal chanchin an lo khawl tawh sa pawh paih tura an lo hriattir tawh thu te leh Facebook hmang chhunzawm thei lo tura an lo tih tawh thu te a sawi bawk a ni. Puan tawh angin Cambridge Analytica company dawrtu zingah India-a Congress Party pawh a tel ve nia sawi a ni a, he company-a thawk \hin Christopher Wylie pawhin British Parliamentary Committee hmaah Cambridge Analytica hian pisa a neih thu te pawh a lo sawi tawh a ni.
Chanchin Thar Mark Zuckerberg US Congress-ah inlan
