Facebook hian Brazil president Jair Bolsonaro-a’n mithiamten coronavirus tihdamna an hmu chhuak tawh tih a sawi pawh an paih tawh a. Zuckerberg chuan tu sawi pawh ni se, thu dik lo a nih chuan an paih zel dawn tih a sawi. Facebook a thu diklo a darh an duh loh avangin thudik nge diklo tih finfiahtu independent fact checker nen an thawk ho tih a sawi bawk.
Fact checker ten thu post chu a diklo an tih chuan Facebook in post chu thudiklo a ni tih hriattirna a siam a, post darh a nih loh nan a veng a ni.
COVID-19 darh tirh atang khan thu dik lo 7,500 post-ah warning label maktaduai 50 vel an siam tawh tih a sawi a, facebook hmangtu zaa 95 te chuan warning label awmna post te chu an en loh avangin, an hmalakna hi a hlawhtling tih a hriat theih a ni a ti.
Zuckerberg hian thil pawi lutuk a thleng dawn te a nih loh chuan Facebook chuan a zau thei ang bera freedom of expression hman a phal tih a sawi a, virus rawn chhuah dan rinthua mi in an sawi te pawh an ti bo dawn lo a ni.
