He live blog hi tihtâwp a ni tawh a, April ni 1 live blog thlir duh tan:
https://www.zonet.in/april01-covid19-liveblog/
March ni 31 zan dar 8:30 thlenga Home Ministry-in rampum dinhmun a chhinchhiah dan chu hetiang hi a ni;
Covid-19 kai enkawl lai – 1238
Enkawl dam tawh/damdawiin atanga chhuah – 123
Thi – 35
Ram danga pêm/insawn – 1
8:25 PM
Kolasib: District bawrhsâp hovin Kolasib District chhunga ration card nei lo chhungkua ten an mamawh ang ei tur an dawn ve theihna ruahmanna siam a ni
8:16 PM
Delhi Nizamuddin Markaz-a kal mi 50 Covid-19 test an positive belh tih Tamil Nadu Health Secretary Beela Rajesh chuan a sawi, hemi hma hian midang 5 pawh test hi an lo positive tawh a ni
8:08 PM
Tamil Nadu Health Secretary, Beela Rajesh chuan an state aṭangin mi 1500-in Delhi Nizamuddin Markaz inkhawm an chhim thu leh heng zinga 380 vel chu Delhi-ah hian an châm thu leh an state-a haw leh mi 1130 zinga 515 chu an awmna hriat a ni tawh tih a sawi
8:06 PM
Sorkar laipuiin Covid-19 chungchang bik thuthar chhuahna tur Twitter Account thar a siam: @CovidnewsbyMIB.
7:47 PM
Rajasthan-ah Covid-19 positive 4 an awm belh a, state puma chhinchhiah tawh zat chu 93 a ni a, an zingah hian Iran atanga hruai haw mi 17 leh Italy khua leh tui 2 an tel bawk a ni
7:46 PM
Serchhip: District SP, Pu R Sathiyasundaram, IPS in ramri khar chungchangah thuchhuah a siam, Myanmar atanga lo luh phal a ni tawh lo a, lut lui duh tan pawh India sorkar dawr buai a ngai tawh lo a ni. Mizo hnahthlak leh Mizoram khua leh tui Myanmar-a chambang mek pawh lockdown hlih a nih hma chuan mahni awmna ngaia awm rih turin a hriattir
7:22 PM
Madhya Pradesh: State puma positive case chu 66 a tling tawh a, mi 5 an thi tawh a ni
7:18 PM
Russia-a Coronavirus chungchanga an doctor ber, Denis Protsenko chu coronavirus test a postive. Protsenko hi Moscow khawpuia Kommunarka Hospital-a thawk a ni a, kar hmasa thawhlehni (March 24) khan he damdawiin hi Russia President Vladimir Putin chuan a lo tlawh tawh a, Protsenko nen pawh hian inchibaiin an inkawm nghe nghe a ni
7:08 PM
Delhi Nizamuddin-a inkhawm huaihawttu, mosolman sakhaw hruaitu leh Tableeghi Jamaat hotute lakah Epidemic Disease Act 1897 leh IPC sections hrang hrang tlawhchhanin thubuai ziahluh a ni: Delhi Police Commissioner
7:02 PM
Delhi-ah lockdown bawhchhia mi 3,700 hren an ni
6:58 PM
West Bengal sorkarin Nizamuddin punkhawmnaa kal, an state mi leh sa te zawn chhuah tumin a bei mek
6:49 PM
West Bengal CM Mamata Banerjee-in PM National Relief Fund-ah leh West Bengal State Emergency Relief Fund-ah cheng nuai 5 ve ve a pe a
6:48 PM
India leh Tibet inkar ramri vengtu sipai, ITBP te’n an ni khat hlawh tling khawm PM-CARES Fund-ah an dah
6:44 PM
Breaking: Assam-ah COVID-19 positive hmuhchhuah a ni. State Finance Minister Himanta Biswa Sarma chuan damlo hi kum 52 mi a nih thu leh a dinhmun a ngaihtuahawm rih loh thu te leh Silchar Medical College-ah enkawl mek a nih thu a sawi
6:38 PM
Covid-19 chungchanga thu dik lo thehdarh reng reng, Disaster Management Act tlawhchhanin thubuai siam sak an ni ang: Home Ministry
6:36 PM
Mipui thlawpna a ṭhat tawk loh avangin ram chhung hmun ṭhenkhata COVID-19 tamna hmunah hrileng hu a hluar a ni: Health ministry
6:28 PM
West Bengal H&FW Department chuan vawiin khan an state chhungah confirmed case thar 5 chhinchhiah a ni tih a sawi a, heng zinga 3 chu vawiin vek khan “enkawl dam” ah puan an lo ni tawh a ni
6:25 PM
US-a India sorkar palai, Taranjit Singh Sandhu chuan Indian Council of Medical Research ICMR leh Centers for Disease Contrl and Prevention, USA te’n thawhdunna ṭha tak an nei tih a sawi a, an bungrua leh thil dang mamawh chatlak reng rengah inpuih an huam dun reng tih a sawi bawk
5:56 PM
Sorkar laipui hnuaia hnathawk, tun thla ni 31-a pension tura lo tih tawh zawng zawng chu, in aṭanga thawk emaw, pisa kai pawh ni se, pension hun tura ruat hi sawn hlat a ni lo
5:55 PM
March ni 21 thleng khan Nizamuddin Markaz-ah mi 1746 an la châmbang tih hriat a ni tawh a, heng zinga 216 chu ram pawn lam mi an ni
5:48 PM
Tourism Ministry-in ram pawn mi, lockdown vanga tangkhang mekte puih theih dan tur kawng a dap zel a, vawiin khan heng mite tan bik website : http://strandedinindia.com/ a siam
5:33 PM
Delhi CM Arvind Kejriwal-a’n Nizamuddin-a punkhawm ang chi reng reng ti ve lo turin sakhaw hrang hrang hruaitu zawng zawng a ngen
5:31 PM
PM Narendra Modi-a nu, Heera Baa chuan PM-CARES fund-ah cheng 25,000 a pe
5:30 PM
Council of Scientific and Industrial Research (CSIR) hotu, Shekhar C Mande chuan PPE hman nawn theih siam chhuah tumin thil an zirchiang mek tih a sawi
5:00 PM
Nizamuddin punkhawmnaa kal zinga mi 441 damdawiinah dah luh an ni tawh a, 1,107 khunghran an awm mek bawk
4:36 PM
Mizoram: Lok Sabha MP Pu C Lalrosanga’n CM Relief Fund-ah vaibelchhe khat a pek belh
4:36 PM
Synod Moderator-in vawiin khan CM Relief Fund-ah cheng nuai 7 a pe
4:36 PM
Kolasib: Kum 7 mi, Rommel Lalmuansanga’n a pawis akhawl, cheng 333 chu Village Level Task Force ṭanpuina atan a pe
4:36 PM
Mizoram State Cooperative Service Association (MSCSA) chuan CM Relief Fund-ah cheng 50,000 a pe
4:30 PM
Covid-19 leh lockdown laia rilru lama harsatna neite tan heng a hnuaia Clinical Psychologist te hi biak thei an ni :
- Aizawl District
a. Biakhluzuali Chenkual – 9436140550
b. Dr. Lalengmawii – 8415930864
c. Jane Lalduhchhungi Vanchhawng – 825690543 - Serchhip District
a. Jane Zodingliani Lailung – 8794924490 - Kolasib District
a. Helen Lalnunmawii Sailo – 9615744170 - Lawngtlai District
a. Jacob Challiandinga – 9862361740 - Saiha District
a. Lalawmpuii – 8132833419 - Champhai District
a. Vanlalmuani Pachuau – 9612762192 - Mamit District
a. Vanlalzari – 9774142241
4:38 PM
Kohhran Thianghlim Mizoram chuan vawiin khan COVID-19 beihna kal mek leh hrileng vanga chhuanchhamte ṭanpui nan CM Relief Fund-ah cheng nuai riat (8,00,000) a pe. Kohhran Thianghlim Executive Treasurer Pu Lalhunliana chuan vawiin khan ṭanpuina hi CM Additional PS, Dr Peter Malsawmtluanga hnenah a hlan a, Covid-19 beihnaa Task Force hrang hrangte leh sorkar thawhrimna chu an fak thu leh an tan leh Zoram mipuite tan Kohhran Thianghlim chhungtin ten ṭawngṭai rualna an hmang ṭhin thu a sawi bawk a ni
4:32 PM
Champhai Officers’ Club chuan vawiin khan lockdown laia harsatna tawk thei mi hrang hrang; Mazui Memorial Home (TNT), Genesaret Gospel Home, Immanuel After Care Centre leh Grace Receiver Home-te hnenah tanpuina cheng 50,000 an pe
4:16 PM
Ministry of External Affairs hmalaknain South Korea, Vietnam leh Turkey aṭangin damlo enkawlna mamawh hmanrua chah luh tur hmuh belh a ni tih Health Ministry-in a sawi
4:12 PM
Union Minister-te vawiin khan an ṭhukhawm a, Covid-19 chungchanga ram dinhmun an enfiah a, Covid-19 damlo enkawlna tur bika duan damdawiin siam belh an rêl: Health Ministry
4:00 PM
Mumbai khawpui chhunga Municipal ward 227-ah in tina chengte dinhmun chhui chian a ni dawn tih Maharashtra CM Uddhav Thackeray chuan a sawi
3:35 PM
FCS&CA chuan tuialhthei leh eirawngbawlna gas a chatlak lohna atan Station leh Distributor zawng zawngte indent siam rang thin turin a ti a, hemi kawnga harsatna an nei anih chuan Department thuneitute a rang thei ang bera hriattir turin a ti bawk a, inhawn hun tur sorkar-in a lo ruahman tawh chu tha taka zawm turin a chah bawk
3:33 PM
Indian Railways chuan COVID-19 beih kawnga inpuahchahna atan rêl pindan 20,000 chu quarantine leh isolation hmun atan ruahman a ni tih a sawi a, mi nuai 3.2 vel an leng tura ngaih a ni.
3:30 PM
Ramchhung hmun hrang hrangah bungraw phur truck khalhtuten harsatna an tawk chho ṭan a, thlai leh eitur dang phurtute chuan hmun ṭhenkhatah ei leh in tur emaw, mahni han in enkawlna tur pawh hmuh loh chang an neih thute an sawi. Hetih lai hian Mizoram-ah chuan bungraw phurte hian hetiang dinhmun hi an tawng tam lo nia hriat a ni a, hmun hrang hrangah an ei leh in tur te leh intihfaina tur te ngaihtuahsak an nih bakah, an mamawh huna pan leh biak theih reng turin workshop-te ruahman a ni a, an bungraw phurh tihral thlengin Task Force leh thuneituten “supply chain” siamin an pui ṭhin a ni
3:17 PM
CM Pu Zoramthanga chuan vawiin khan a bial Aizawl East-I chhung veng hrang hranga mi harsa leh mamawh zualte hnenah buhfai, sanitizer leh hmaituamna a sem. Buhfai hi a vaiin bag 170 a ni a, LLTF-te kutah hlan a ni
3:10 PM
Champhaiah ruihhlo ngaite enkawl leh khuahkhirh dan tur rel a ni a, meeting-ah hian Additional SP, Pu C Lalengliana bakah YMA, VC leh Home hnathawkte an tel a, Champhai SDO Pu Lalnunfela Chawngthu hovin an thukhawm a ni. Champhai AIDS Do Pawl leh Genesaret Home chhinchhiah danin Champhai khawpui chhungah hriau hmanga inchiu thin mi 822 leh a chhehvel khuaah mi 106 an awm anga chhut a ni a, mi 100 atanga 120 vel hnenah chuan lockdown chhunga an tla tur Opioid Substition Therapy (OST) damdawi pek a ni tawh a, ruihhlo chetvel khuahkhirh kawngah nasa lehzuala tan lak an rel
2:58 PM
Maharashtra-ah April Fool’s Day vanga coronavirus chungchanga thudik lo thehdarh emaw, mi ti chiai thei thil thehdarh khap a ni a, bawhchhia an awm a nih chuan dan anga hrem an ni ang: Maharashtra Home Minister
2:45 PM
Haryana Panchkula district-a staff nurse pakhat chu Covid-19 test-ah a postive a, khunghran mek a ni: Panchkula CMO
2:24 PM
Karnataka-ah coronavirus case 7 chhinchhiah belh a ni a, state pumah 98 chhinchhiah a ni tawh
2:11 PM
Pakistan-ah Coronavirus case 1865 chhinchhiah a ni tawh
1:58 PM
Civil Aviation Minister Hardeep Singh chuan March ni 26 leh ni 30 inkar khan ramchhung hmun hrang hrangah medical supply ton 15.4 thawn chhuah a nih thu a sawi
1:39 PM
Punjab: Thawṭanni lama COVID-19 positive nemngheh tawh kum 65 mi pakhat a thi a, Punjab hian Covid-19 vanga thi 4 an nei tawh a ni
1:38 PM
Wuhan-ah ruang halna vap dahna bel ṭhahnem tak chawk luh leh thawn chhuah a awm reng avangin China-in coronavirus vanga thi zat a la puang kim lo nia ngai an tam hle
1:21 PM
Supreme Court-in coronavirus aiin chiai leh thlabar vangin mipui nunna a derthawng hma zawk tih a sawi a, hmun hrang hranga tangkhang mekte enkawl leh thlamuantu tur sakhaw hruaitu emaw khawtlang hruaitute’n an awmna hmun tlawh phalsak turin sorkar a hriattir
1:00 PM
Sorkar laipui ukilin inhlawhfaa eizawng leh nitin inhlawhfa mi nuai 22 chuang anmahni khaw lam pana kea kalte chu awmna tur hmun ruahman sak fel an nih tawh thu leh an ei leh in tur pawh ngaihtuah sak an ni tih Supreme Court a hrilh
1:45 PM
MADC-a MDC ni lai leh lo ni tawh ten thla khat chhunga an dawn tur khawnvartui chu chhungkaw harsa zawkte hman atan an hlan, khawnvartui hi a dawng tur dik tak te’n an dawn ngei theih nan, DCSO leh LLTF leh VLTF te’n a sem lam an enpui dawn a ni
1:15 PM
January thlaa mihringte tan Coronavirus a hlauhawm tih puan a nih tirh khan rampumah a test theihna laboratory pakhat chauh a awm a, tun dinhmunah chuan laboratory 118 bun fel a nih tawh thu leh ni khatah test 15000 tih theih a ni tawh tih sorkar laipui ukil-in Supreme Court a hrilh
1:07 PM
Chief Justice of India, SA Bobde chuan tun dinhmunah inhlawhfa pêm tumte chungchanga sorkar laipui hmalaknaah inrawlh a ngai rih lo nia a hriat thu nimin khan a sawi a, vawiin lama PIL thehluh a ngaihtuah chhunzawmnaah COVID-19 beihnaa harsatna lian ber pakhat chu thu thang dik lo a nih thu leh hetiang thil tite chu dan bawhchhia an nih thu leh thubuai siam sak tur an nih thu sorkar a hrilh a ni
1:04 PM
FCS&CA-in Aizawl huamchhunga Petrol Pump/Filling Station hrang hrangte inhawn dan tur ruahmanna a lo siam tawh chhunzawmna-ah Israel Filling Station, Sairang chu ni khata darkar 24 inhawng tura beisei a nih thu hriattirna a chhuah a, petrol filling station-te hian anmahni dawrtute inhnaih taka awm tir lo turin ruahmanna an siam tur a ni a ti bawk
1:00 PM
I&PR Minister Pu Lalruatkima’n naktuk April ni 1 chu April Fools’ Day a nih avangin mipuite ti chiai zawng emaw, thu dik lo enng chi mah social media-ah thehdarh lo turin mipuite a chah a, hetiang ti lui chu an chungah dan angin na taka action lak a ni ang a ti. Lockdown-in ni 14 lai a la awh dawn avangin ei leh bar, kawlphetha, tui leh thil dang inremchem ngai apiang renchem turin mipuite a chah bawk a, Kohhran, NGO leh sorkar-in thawhho ṭha an neih avangin Mizoram aia COVID-19 laka invenna kawngah hma la ṭha zawk an awm lo nia a hriat thu a sawi bawk.
12:55 PM
Health Ministry-in awm âwl vanga zu emaw, vaihlo emaw, ruihhlo dang hmang lo turin mipuite a ngen
12:38 PM
Zaithiam lar Lata Mangeshkar-in Maharashtra CM Relief Fund-ah cheng nuai 25 a pe
12:35 PM
Delhi Lieutenant Governor, Anil Baijal chuan in 20,000 chuangah inkhunghrang an awm tawh tih a sawi
11:40 AM
Lunglei District: Lunglei khaw pawn lam tan châk lâk ni atan Thawhṭanni leh Ningani ruahman a ni. Thawṭanni-ah Mausen aṭanga hmar lam zawng khua leh NH-54 kawngpui leh a chhevela awm khua te leh, Lunglei South lama awm, Luangmual aṭanga kal pawh theih khuate tan hun hawn a ni a, Ningani-ah Lunglei West lama awm khuate tan hun hawn a ni ve thung a, Lunglei khaw chhunga awm te tan chuan Village Level Task Force-ten ruahmanna an siam zel ang. Thil lei leh inpek reng reng VLTF kaltlang veka tih tur a ni a, VLTF-te hian veng hrang hrang leh dawr hrang hranga thil hralh chhuah leh pek chhuah tawh leh la awm zat an chhinchhiah zel a ni.
11:39 AM
Nizamuddin-a cheng mi 334 chu damdawiinah dah luh an ni tawh a, sorkar quarantine facility-ah midang 700 dah luh an ni tawh bawk
11:01 AM
Europe mi khualzin veivak tangkhang 317 chu vawiin khan Goa aṭangin Frankfurt, Germany pan pui an ni
10:59 AM
Cricket khelh thiam vanga lar, Rohit Sharma chuan PM Relief Fund-ah cheng nuai 80 a pe
10:56 AM
Pathianni kaltaa Mumbai damdawiin pakhata Philippines mi pakhat thi chu Nizamuddin kal ve a ni tih hriatchhuah a ni tawh
10:48 AM
Nizamuddin punkhawmnaa kal ve mi 24 test-ah an positive belh
10:41 AM
Delhi Health Minister-in Nizamuddin punkhawmnaa kal zawng zawng an la hriat kim theih loh thu leh tun dinhmunah chuan mi 1500 vel nia an hriat thu a sawi
09:24 AM
Myanmar: Yangon khawpuiah kum 69-a upa cancer vanga enkawl lai pa pakhatin COVID-19 a thihpui, hei hi Myanmar-in Coronavirus vang thi a chhinchhiah hmasak ber a ni
09:08 AM
US sipai zinga COVID-19 kai pakhat a thi, hei hi US sipaiin coronavirus vanga thi an chhinchhiah hmasak ber a ni a, New Jersey Army National Guardsman a ni a, March ni 21 aṭang khan an lo enkawl ṭan tawh a ni
08:20 AM
Pune police-te’n April Fool’s Day-ah coronavirus kaihhnawih fiamthu emaw, thu dik lo emaw thehdarh lo turin mipuite an ngen
08:15 AM
Delhi Nizamuddin chu tlawh pawh theih loha khar a ni rih a, helai hmunah hian March ni 1 leh ni 15 inkar khan Muslim pawl pakhat, Tabligh-e-Jamaat chuan inkhawm engemawzat a huaihawt a, ram chhung leh pawn aṭanga chhim an tam hle a ni
07:59 AM
India: tualchhunga hnaivai tak tak bak inkaichhawn an la awm lo a, kai zat hi ni 12 chhungin 100 aṭangin 1000-ah a chho a, hei hi ram changkang zawkte aiin a hniam hle a ni: Health Ministry
07:57 AM
Nimin kha India-a ni khata case a pun tam ber a ni a, case thra 277 chhinchhiah a ni a, a tam zawk chu delhi nizamuddin-a mosolman inkhawmna Tabligh-e-Jamaat chhimtute an ni
