He channel hian an logo atan PM Narendra Modi thlalak leh a hming bul hmangin nileng zankhuain Modi thusawi leh BJP hotute kawmna a chhuah \hin a, DTH leh cable TV-ah en theiha dah a ni a, a neitu emaw a chhuahtu emaw hriat a ni lo nain, March ni 31-a chhuah \an a nih hnu lawkah PM Modi chuan he channel en turin mipuite a chah a ni. DTH service pe chhuaktute chuan NaMo TV hi Hindi \awnga politics chungchanga chnchinthar chhuahna a ni tih an sawi a, tlangzarh lawmnan subscribe tu zawng zawng entheiha dah chhuah a nih thu leh hei hi hnuhlet leh mai theih a nih loh thu an sawi.
Congress leh Aam Aadmi Party-te’n he channel hi Model Code of Conduct bawhchhiatna a ni tiin an zualko hnuah Election Commission chuan Information and Broadcasting ministry chu hemi chungchang sawifiah turin a hrilh a, ministry chuan NaMo hi mipui hmaa inpuanzarna a nih thu leh chhuah turin sorkar phalna a ngaih loh thu a sawi a, a chipchiar zawka chhanna pe turin an inbuatsaih mek a ni.
