March 2020 thla tir lama Nizamuddin, New Delhi-a Mosolman inkhawmpui-ah Mizoram a\anga tel an awm em tih chhuichian anih hnuah tel an awm lo ngei nia an hriat thu Mizoram police ten an sawi a, fimkhur thuah inkhawmpuia tel, Mizoram chhunga awm mek an lo awm palh anih chuan naktuk tlai dar 6 hma ngeia police station hnai bera in report turin an hriattir.

Mizoram chhunga awm an lo awm-a, an in report lo anih chuan Disaster Management Act 2005 leh Indian Penal Code hmangin na taka hremna pek an ni ang tih Police te hian an sawi a., Village Level Task Force te nen \angkawpin Covid-19 kai te Mizorama an luh lohna turin theihtawp chhuah mek a ni tih pawh police te hian an sawi a, \henawm state Assam leh Tripura Police te nen \ang hovin Muslim inkhawmpui-a tel te chhuichhuah hna hi ngawrh takin an la
bei zui zel tih an sawi.