Marawi khawpuiah mi firfiak 30 velin mi 20 vel an la hreng

Philippines-a IS mi firfiakten Marawi khawpui an awp chhuhsak tuma beihna kal zelah, Thawhlehni khan President Rodrigo Duterte chuan Marawi khawpui zalenna puang tawh mah se, sipaite chuan mi firfiak 30 velin mi 20 vel an la hreng niin an sawi a, an la bei chhunzawm zel dawn tih an sawi bawk. Puan tawh angin Thawh\anni khan Asia khawmualpui chhim chhak lama IS mi firfiak pawlte hotu, Isnilon Hapilon leh mi firfiak pawl dang hotu, Omarkhayam chu kah hlum an lo ni tawh a, nimin lama beihpui an thlak chhunzawmna-ah mi firfiak zinga mi 17 vel an kah hlum bakah, an mi hren, 9 lai chhanchhuah an lo ni tawh bawk a ni. Duterte chuan mi firfiakte chu an nuai chimih zel tur thu leh, Marawi khawpui an la let chu lawmna tur a nih loh thu a sawi a, he khawpuia chengte hnenah hian ngaihdam dilin, an chunga thil thleng chu pawi a tih thu a sawi a ni. Sipai hotute chuan tuna khawpui chhunga mi firfiak la awm mekte hi engti kawng maha tlan chhuak thei an nih tawh loh thu leh, sipai chakna kher lo pawhin, police-te pawhin an hneh theih tawh an rin thu an sawi a ni.