Mara Students’ Organisation (MSO) Joint Headquarters, Aizawl hruaituten Zotlang-a Boys Hostel leh Chawlhhmun-a Girls Hostel sak mek chu, Mara Autonomous District Council hruaituten an intiam hun chhungin an sa zo lo nasa hle niin an sawi a, vawiin khan heng hostel sak mekte hi tlawhin, Boys Hostel tur hi hmun thuma \hena hmun hnih vel chauh sak zawh a la ni a. Girls Hostel tur pawh sak zawh \ep a ni tawh na a, luah theih tur chuan hmabak a la tam hle niin an sawi. MSO hruaitute chuan an hostel tur hi sak zawh a nih mai loh avangin, kumin May ni 14 khan Mara Autonomous District Council hruaitute chu hmuin, kumin September ni 30 hma ngeia sak zawh an lo tiam a, inremna pawh an siam niin MSO hruaitute chuan an sawi a. An hun tiamah hian an zo lo nasa hle an hmuh thu sawiin, a bawhzui zel dan tur ngaihtuah an tum thu an sawi a ni. Mara Student Hostel pahnih hi DoNER Ministry hnuaiah NLCPR sum hmanga sak a ni a. Kum 2014 a\ang khan an sa tawh a ni.
