Mara Autonomous District Council hnuaia Village Council 91 inthlanna vote thlak chu tukin dar 7-a \an chu vawi tlai dar 5 khan tluang taka zawhfel a ni. ZONET zawhna chhangin Siaha Bawrhsap, Pi Harleen Kaur chuan vote thlak chhung hian khawi hmunah mah harsatna thleng a awm lo niin a sawi a, vote tla pawh vawiin chawhnu dar 1 khan za zela 50 chuang a tling tawh a, vote tlak dan hi za zela 65 chuang a tling phak rin a ni. Siaha bialtu MLA, Dr. K. Beichhua chuan Siaha Vaipi II Polling Station-ah vote a thlak a ni. Siaha District MPF hruaitute chuan an President, ECM Kohhran Moderator, Rev.VL Ngaia Hlychho hovin vawiin khan Siaha khawpui chhunga Polling Station hrang hrang tlawhin inthlan dan a felfai em tih an en a ni. Mara Autonomous District Council hnuaiah hian VC 92 awm mahsela, Phura South VC seat awm zat tih tlem a nih avanga lungawilohna entirnan VC inthlanna an khaw mipuiten an boycott-a, hemi avang hian VC 91-ah inthlanna neih a ni ta a ni. Vote nei mi 37,707 te chuan candidate awm zawng zawng 909 a\angin an khuaa roreltu tura an duh mi 416 an thlang chhuak dawn a, an zingah hian hmeichhe tana seat hauhsak chuhtu hmeichhe candidate 91 an awm a ni. Vote tla te hi vawiin tlai dar 5 hnu khan Returning Officer te kaihhruaia chhiar nghal a ni a, result hi a pumpuiin zaninah puan hman a ni ang a, amaherawhchu, inbiakpawhna a \hat tawk loh avangin Siaha District Hqrs.-a thuneitute hrilh kim theih hun tur chu naktuk chawhnu lamah a ni ang.
