Manipur University Acting Vice Chancellor, Professor K. Yugindro-a’n tunhnaia University-a buaina chhuaka pawikhawihtute \an anga state larsap Najma Heptulla a sawi avangin Raj Bhavan thuneitute an lungawi lo hle.

Raj Bhavan thuneitute chuan Professor Yugindra thusawi chu pawi an tih thu te, intih mualphona a tlin thu te leh kalphung zawm lohna a nih thu an sawi a, Heptulla pawh a lungawi loh thu leh a barakhaih hle niin an sawi bawk a ni. Yugindra hian Mnistry of Human Resource Development hnena lehkha a thawnah University-a buaina siamtute chu a firfiaka che \hin te ang mai an nih thu leh heng mite hi Heptulla chuan a thlawp niin a sawi a, Manipur University Vice Chancellor-a dah a ni pawh Larsap hian a ngaithei vak lo niin a sawi bawk a ni.