Manipur-a Moreh khaw bula awm, New Pheijang khuaah nimin khan bomb pahnih tihpuah a ni a, thi leh hliam erawh chu an awm lo. Moreh-a police officer pakhat sawi danin, nimin chawhnu dar 1:50 vel khan he state leh Myanmar ram inkara lei atanga km 2 vela hlaah bomb pahnih, a zawnin a puak a, ral atanga tihpuah a nih rin a ni. Bomb a puah hnu hian police-te chu a hmunah kalin, thil awmdan an endik nghal a, bomb tipuaktu nia rinhlelhte chu an tlanchhiat hman avangin police-te hian tumah an man lo a, thubuai erawh chu an thehlut nghal a ni. Thla eng emaw zat kal ta atang khan Moreh leh a chhehvelah hian inthahna leh bomb hmanga inbeihna a thleng fo nia hriat a ni.
Chanchin Thar Manipur-ah bomb pahnih puak
