Mamit Sub Hqrs. YMA Conference Thawhlehni a\anga Rawpuichhip YMA Hall-a neih chu zanin hian a \iak dawn. He Conference-ah hian vawiin khan Food, Civil Supplies & Consumer Affairs Minister, Pu John Rotluangliana’n thu a sawi a, YMA kumpuan, ‘Ram leh hnam humhalh’ tihlawhtling tur chuan taimakna leh rinawmna a taka lan chhuah tir a ngai a ni tih hre reng turin \halaite a fuih a, \halaite chu an chhungkaw tana an tih ve theih zawnga \an la turin a fuih a, HIV/AIDS laka an fihlim theih nan fimkhur tur te, Social Media hman kawnga fimkhur tur leh midangte rilru ti na thei zawng \awngkam hmang lo turin a chah bawk a ni. He Conference-ah hian Mamit Divisional Forests Officer, Pu Lalnunsanga Khawlhring chuan ‘Mizote leh Environment’ tih thupuia hmangin thing leh mau bakah ramngaw leh luia nungchate humhalh \hat a pawimawhzia a sawi a ni. ————
Power & Electricity Department in Luangmuala 132 KV Sub Station-ah tun thla ni 7, Inrinni khian hna an thawk dawn a, hnathawh chhunga chetsualna thlen palh loh nan he Sub Station a\ang hian zing dar 9 a\anga tlai dar 5 thleng kawlphetha pek chhuah theih a ni dawn lova, hemi chhung hian he Sub Station-in a chawm vengten kawlphetha an nei thei dawn lo a ni.
