Mizoram chhunga District 4, Mamit, Serchhip, Lunglei leh Saiha District huam chhunga Presbyterian English School Zirtirtute tan vawiin khan Synod Conference Centre-a Pi Zaii Hall-ah Training neih a ni. He training-ah hian Synod Higher Secondary School Principal, Pu Lalvena Hnamte, MBSE Controller of Examination, Pu Lalthianghlima leh Higher & Technical Deptt. Director hlui, Pu Zochungnunga ten zirtirna an pe a, an thil zirtir zingah chuan method hrang hrang hmanga hriat awl zawka naupangte zirtirna pek dan te, exam-na buatsaih dan leh zawhna siam chungchang te, School Principal, Zirtirtu, hnathawktu dangte, zirlai nu leh pa leh zirlaite inkara thawhhona \ha neih dan tur leh lungrual taka \an lak ho dan tur te a tel a ni. Tun \um training-ah hian school 33 a\angin zirtirtu 299 an tel a ni. Tunah hian Mizoram chhungah Presbyterian English School 136 a awm a, kumin sorkar kum chhung hian zirtirtu training hi \um 6 buatsaih a ni tawh a ni.
