He kawng enkawltu PWD hotute hnen a\anga ZONET thudawn danin kawng chhuat bal hi meter 15 vela thui a ni a, a tirah lithei te chi chu kal thei mahse, a him loh avangin kawng laih zauh a nih theih nan Mamit DC thupek angin SP in kawng zawh khap lailawkna thupek a siam nghal a ni. Kawng laih zauh hi nimin chawhnu a\ang khan thawh \an a ni a, lei laihna khawl lian 3 leh a te deuh chi te hmanga laih a ni a, kawng chhak lam hi ruah a sur chuan min leh mai thei a nih avang leh ruah a tlak deuh reng bawk avangin duh anga chakin hna an thawk thei lo a, khaw awm dan azirin ni 3 chhung chuan zawh hman an inbeisei tih PWD hotute chuan an sawi.
