He \hutkhawmna kaihruaitu Mamit Bawrhsap, Dr. Lalrozama chuan, Bru hruaikir chungchang chu Mizoram sorkar tan thu lian tak a ni, a ti a. Mamit District chu Bru lo let turte awm tamna tur ber a nih bawk avangin inbuatsaihna pawh uluk a ngai hle tih sawiin, hemi atan hian an District chhunga Village Council leh tlawmngai pawlte nen thawh hona \ha tak an neih a ngai a ni, a ti. Home Addl. Secretary, Pi Lalbiaksangi pawhin nikum lama Mizoram Sorkar leh All NGO Coordinatiuon Committee-in inremna an lo siam tawh angin Tripura-a Bru awmte chu kumin October thla a\ang hian laklet tum an nih tur thu leh hei hi Bru hruaikir hnuhnung ber a nih tur thu a sawi.
He sawi honaah hian Bru hruaikir thawh 8-na kalpui tura senso ngai zat te, hnathawktu mihring mamawh zat leh thil \ul dangte sawi ho a ni. Bru hruaikir turte hi Mamit District chhung khaw 40-a dah an ni dawn a, heng khaw hrang hranga khawtlang hruaitute nen June thla chhung hian an awmna hmun tur sawi ho tura tih a ni a, an awmna hmun tura ruahman chu Forest, Revenue leh tlawmngai pawlten enfiah hmasak ni se an ti bawk.
