Mamit District Development Co-ordination & Monitoring Committee chu vawiin khan DC Conference Hall-ah an Chairman Lok Sabha Member, Pu CL Ruala leh Co- Chairman Rajya Sabha Member, Pu Ronald Sapa Tlau ho-in an \hu khawm a, hmasawnna hna thawhna tura sorkar laipui programme chu hrang hrang, ni za inhlawhna tia hriat, MGNREGS, PMAY, PMGSY, DDUGJY, NSAP, NRDWP, SBM(G), PMKSY, BADP, MDM, SSA, RMSA leh National Health Mission hnuaia hnathawh leh thawh zel dan turte an thlir ho. He thlirletna inkhawmah hian Swatch Bharat Mission Gramin chu chak taka bawhzui a nih thu te, Reiek Block chu thla leh, October ni 2 khian pawn lama inthiar awm lohna block-a puan tum a nih thu te, Zawlnuam leh W. Phaileng block te pawh kumin chhunga ek in ni lo, pawn lama inthiar awm lohna block-a puan tum a nih thu te tarlan a ni. Ni za inhlawhnaah hian kumin sorkar kum chhung hian Mamit District-ah hian ni 52 inhlawhna siam tum a ni a, mi retheite chenna in tur sakna Pradhan Mantri Awas Yojana hnuaiah pawh mi 225, in sak \anpui pek tum a ni. He District Development Co-ordination & Monitoring Committee \hutkhawmnaah hian Mamit District-a MLA pahnih, Pu Lalrinmawia Ralte leh Pu VL Robiaka, Dist. Bawrhsap, Pi Lalbiaksangi leh sorkar laipui programme hrang hrang bawhzuitu, Deptt. hrang hrang hotute an tel a ni.
