Economics & Statistics Department buatsaihin vawiin khan Mamit Chhim Veng YMA Hall-ah hmaih nei lova naupiang leh mitthi chhinchhiah dan inzirtirna neih a ni. He training hi Mamit Additional DC, Pu H.Lianzela’n a hmanpui a, thusawiin Additional DC chuan mihringte pian ni leh thih ni hi Pathian ruatsa a nih avangin mahni duh ang anga thlak danglam tur a ni lo tih sawiin, Statistic dik chu thil chhinchhiahna atan leh hmasawnna atana ruahmanna siamna atan thil pawimawh a ni a ti. He training-ah hian Mamit Chief Judicial Magistrate, Pi Gracy L. Bawihtlung pawhin thusawiin naupiang leh mitthi chu a hun taka chhinchhiah ngei turin hnathawktute a fuih a, Death Certificate leh Birth Certificate te chu Court-a thil chinfel nan thil pawimawh a nih dan a sawifiah bawk. He Training-ah hian Joint Director, Pu Lalbiaksanga’n zirtirna a pe a, training hi District Research Officer, Pu Malsawma’n a kaihruai a ni.
