Malaysia sorkarin thlawhna bo hmuh chuan dollar mtd. 70 pek remti

Malaysia sorkarin a thlawhna bo, MH370 chu zawn chhunzawm leh a remtih hnuah, a zawngtu tur, America company chu thlawhna hi an hmuh phawt chuan dollar mtd. 70 p>k a remti a, ni 90 chhung an zawng ang. Puan tawh angin, he thlawhna hi kum 2014 March thlaa bo tawh kha a ni a, kum 3 leh a chanve liam tawh mah se, January thla laihawl a\ang hian hmanraw \ha tak tak hmangin tuipui chhuat dap thiam, Ocean Infinity in a zawng leh dawn a ni. Puan tawh \hin angin, he thlawhna, Malaysia Airlines jet hian mi 239 a phur a, China mi deuh vek an ni a, Kuala Lumpur a\anga Beijing a pan laia a bo hlen mai dan hi, thlawhna chanchina thil mak ber pawla ngaih a ni. He thlawhna hi sq. km 1,20,000 vel dap a nih hnuah pawh hmuh a nih loh avangin, nikum January thla khan a zawnna hi tihtawp a ni a, Australia kaihhruaia he thlawhna bo zawnna hi thlawhna zawn nasat ber a la ni. Hemi hnu hian company pathumin thlawhna hi zawn ve an inhuam thu, Malaysia sorkar hi an hrilh a, hei tak an indawr hnuah Malaysia sorkar chuan Ocean Infinity hi rawih a remti ta a, an hmuh chauhin lawmman hi an dawng ang a, an hlawhchham chuan pawisa p>k an ni dawn lo a ni. He company-in a hman tur hi Norway lawng, Seabed Constructor an tih chu a ni a, mi 65 phurin tun thla tir lamah khan South Africa a\angin an zawnna tur pan hian a chhuak tawh a, khalhtu awm lo thlawhna 8, thla lakna leh khaw hmuh theihna \ha tak taka thuam a keng a ni.