Razak hi 1Malaysia Development Berhad, 1MDB company kaltlanga pawisa ti chingpen-ah puh a ni a, pawisa tam tham tak ama mimal bank account-a dah lutah puh a ni bawk a ni. 1MDB hi Malaysia sorkarin an ram hmasawnna ruahmanna siam tura a din a ni a, sorkar company niin Finance Minister-in a enkawl \hin a ni. Hemi hma pawh hian Najib hi 1MDB sum tihchingpen thubuai tho 7 dang siam sak a lo ni tawh a, vawiin khan Kuala Lumpur Court-ah a inlan nghal a, puh a nihna zawng zawng hi a pha a, dik lo taka thil a tih loh thu leh mimala amah beihna nia a hriat thu a sawi a ni.
