Malaysia Airlines thlawhna bo zawng turin Malaysia sorkar leh US company-ten inremna thu an thlung

Kum 2014-a thlawhna tla, chin hriat loha bo zui ta, Malaysia Airlines thlawhna, MH370 zawng turin Malayasia sorkar leh US Texas-a Ocean Infinity company-ten inremna thu an thlung a, Australia Transport Minister, Darren Chester chuan he inremna hi an hriatpui thu leh, an inremna ang chuan Ocean Infinity hian thlawhna bo hi an hmu zo lo a nih chuan, Malaysia hian hlawh a pe dawn lo tih an sawi bawk a ni. Puan tawh angin, MH370 thlawhna-ah khan ram hrang hrang 14 mi 239 an chuang a, kum 2014 March ni 8 khan Malaysia khawpui, Kuala Lumpur a\angin Beijing panin a chhuak a, harsatna an tawh thu thuneitute an hriattir hnu lawkah biak pawh theih lohin a awm zui a, Beijing thleng tura ngaih a nih hnu, darkar khat velah thlawhna hi a chin hriat a nih loh thu, Malaysia Airlines chuan a puang ta a ni. He thlawhna tlak dan hian mi mak tih a hlawh hle a, a hnuhma hmuh tur a awm miah lo leh, a chuangte ruang hmuh tur a awm lote hian ngaihven a hlawh zual a, kumin January khan a zawn hna pawh hi tihtawp a ni chauh a ni.