Make in India programme hnuaia Mumbai Metro rel pindan, coach hmasa ber siam chu Prime Minister, Narendra Modi-a’n a hawng a, mipui veivakte awlsam zawk nana duan Metro lines pathum siam thar a hawng tel bawk.

Maharashtra Chief Minister, Devendra Fadnavis leh Mumbai Metro thuneitute hmalakna-in Metro coach leh lines te hi siam a ni. Make in India programme hnuaiah hian hmun 25-a thil siamna hmun te, ram hmasawnna tura hmun pawimawh tak tak te leh hmasawnna hnathawh tur hrang hrang duan a ni a, Make in India programme hi Modi-a sorkar hnuaia flagship policy zingah a tel a ni.