Mahatma Gandhi-a’n Isua chungchang a ziahna lehkhathawn hralh tum

Mahatma Gandhi-a’n Isua chungchang a ziahna lehkhathawn chu hralh chhuah tum a ni a, he lehkhathawn, Isua a awm ngei tih a rin zia a tarlanna hi US Dollar 50,000 vela hralh theih beisei a ni. Kum 1926 April ni 6-a ziah he lehkhathawn hi Gandhi khan Sabarmati Ashram India-a a ziah a ni a, lehkhatui dal raih tawh, la fiahfai tha tak sia chhut he lehkhathawnah hian Gandhi-a signature tihdanglam loh a chuang a, Pensylvania Raab Collection chuan kum tam tak chhung kawl thain tunah hian hralh chhuah a tum ta a ni. US-a Christian sakhaw hruaitu pakhat Milton Newberry Frantz hnena a thawn, he lehkhaah hian Mahatma Gandhi chuan Isua kha hruaitu ropui ber pakhat a ni a ti a, Raab Collection Principal Nathan Raab chuan he lehkhathawn hi Mahatma Gandhi a’n sakhaw thila khawvel pum muanna a duzia lantirtu a ni a, zirtirtu ropuia Isua a pawmna hian a mihringpuite nena intluktlanna a ngaihpawimawh zia a pholang bawk a ni a ti a. he lehkhathawn bak hi Gandhi hian Isua hming a ziahlanna lehkhathawn dan a awm lo niin a sawi bawk.