Nilaini kalta-a tuikhuah sah avang hian mi 23 chin hriat lovin an bo a, National Disaster Response Force te hian chin hriat lova la bo te zawn hna hi an la thawk chhunzawm zel a ni. Kawlphetha siam chhuahna tuikhuah sah hian a thlang lama khaw tam tak a chim a, hmun him lama sawn chhuahte pawhin tunah chuan an chenna in an luah leh \an tawh a ni. Chief Minister Devendra Fadnavis chuan mitthi chhungte hnenah cheng nuai 4 pek an nih tur thu a sawi a, chhiatna thlenna chhan chhuichian a nih tur thu leh tu emaw fimkhur tawk loh vanga thleng anih chuan a mawhphurtute hrem an nih tur thu a sawi.
Kum 15-a upa Tiware tuikhuah hi a vela chengten a \ha tawk tawh lo tih an sawi avangin May thla khan thawm \hat a ni a, heti chunga a sah thut theihna chhan hi chhui chian a ni ang tih Maharastra Water Resource Minister Girish Mahajan chuan a sawi.
