Court chuan tun thla ni 21 a thlen hma chu Aarey-ah hna thawh leh thing kih a awm tawh lo ang tih a puang a ni. Mumbai-a Dan zirlai ten Chief Justice Ranjan Gogoi-a hnenah lehkha an thehlut a, thingkih chungchanga inrawlh tur leh thingkih chu titawp turin an ngen a ni.
Solicitor General Tushar Mehta-i’n Court a hrilh danin thingkih tura ruahman zat chu kih zawh a ni tawh a, kih tur dang a awm tawh lo a ni.
Mumbai Aarey-a thingkih duh loh vang hian mi 5 te chu ni 10 chhung chawhngheiin an lo nuar tawh a, hemi hnu hian zirlai dangin an \awiawm a ni.
Court-in he thubuai hi ngaihtuahin Jugde zinga pakhat Justice Arun Mishra chuan sorkar aiawha ding Tushra Mehta chu thing \iak an phun zat leh chung thing \iakte chu a nung em tih a zawt a, Mehta chuan thing \iak 20,900 vel phun a ni tih a sawi a, Justice Mishra chuan thing \iak an phun te chu kum 2 liamta a mi a ni a, engzatnge nung tih chu a zawhna a ni tih hrilhin, Mehta chuan zaa 95 a nung tih a hrilh a ni.
Court chuan thingkih duh loh lantir vanga man tak te chhuah an ni tawh em tih Mehta chu zawtin Pathianni khan mi 29 te chu bail-a chhuah an ni tih Court a hrilh a ni.
