Puan tawh angin loneitute hian thawhlehni a\ang khan Thane a\angin kawng an zawh \an a, vantlang ham\hatna atana thawktu pawl Swaraj Abhiyan hruaitu Yogendra Yadav leh Rajendra Singh te chuan kawngzawh hi an kaihruai a, vawiin khan Mumbai khawpuia Azad Maidan an thleng a ni. Loneitu lungawilote hian State Secretariat tualah an lungawilohna an lantir chhunzawm nghal a, khawkheng vanga zangnadawmna an phut bakah, loan leiba ngaihdam leh tribal mite kuta Forest Rights dah let leh an phut tel bawk a ni. Loneitute hian kumin March thla pawh khan hetiang hian lungawilohna lantirin kawng an lo zawh tawh a, khami \uma an inremna Swaminathan Committee Report-in a rawt tawh angin loneitute kuta ram dah leh an thlai thar chhuah hralhna man bituk tihsan chu tun thlengin State Sorkar chuan a la tihlawhtling lo niin loneitute hian an sawi bawk a, tun thla ni 18 pawh khan fu huan neitute chuan an fu thar hralhna man pek an nih vangin Punjab leh Dasua pan tur rel 70 vel an lo dang tawh bawk a ni.
