Inhlawhfate hotu-a inchhal Vinay Dubey chuan inkharkhip vanga mahni khua ni lo va tangkhang, an khuaa haw duhte fuihpawrh nan ‘haw ang u’ tih thupui hmangin social media-ah a post a, a thu post vang hian mi tam tak Bandra Station-ah an pungkhawm a ni. Mumbai Police ten hei hi chhui chiangin Dubey hi an man ta a ni.
Pungkhawmte hi Bengal, Bihar, Uttar Pradesh leh Madhya Pradesh mite deuh vek an ni a, Vinay Dubey hian tun thla ni 14-a inkharkhip a tawp veleh inhlawhfaa khawpuia tangkhang te hawna tur ngaihtuahsak turin sorkar a lo ngen tawh a, UP, Bihar, Jharkhand leh West Bengal-a haw tur te tan rel ngaihtuahsak tura ngenin, an khua \heuh an thlen hunah an inkhung hrang dawn tih sorkar chu a hrilh bawk a, an inhlawhfakna hmunah hnathawh tur a awm tawh loh vangin ril\ama an thih mai an hlauh thu leh coronavirus an kai an hlauhthawn thu te a sawi a, sorkar chu ni 15 thleng an ngah tur thu hrilhin, sorkarin hma a lak loh chuan ke-a mahni khaw lam pan an tum tih a sawi a ni.
Dubey hian NGO, Uttar Bhartiya Maha Panchayat a enkawl a, Maharashtra-a inhlawhfate chungchang hi a sawi chhuak fo tawh a, Chief Minister, Raj Thackeray pawh heng inhlawhfa te ngaihtuah tur hian a lo ngen tawh a a ni.
