Heng Sikh te hi an sakhaw hmun thianghlim tlawhin Maharashtra-ah hian an kal a, inkharkhip puan a nih khan Gurdwara Hazur Sahib-ah an tangkhang zui a, April ni 22 a\ang khan Punjab-ah an let tan a, khung hran rih tur an ni tih thupek chu an haw tan atanga ni 5 ral hnuah tih chhuah chauh a ni.
Punjab Health Minister Balbir Singh Sidhu chuan Maharastra Sorkar hmalak dan sawiselin, Sikh tangkhangte hi Maharsastra sorkarin a tanpui loh avangin anmahni thiam dan danin Punjab lam panin an chhuak a ni a ti a, covid-19 an kai leh kai loh pawh enfiah an ni lo a ni a ti.
Sikh 4,000 rual zetin Punjab atang hian Nanda Gurdwara hi sakhaw biak zinin an pankhawm a, mipui kharkhip vangin an tang zui a, an zinga 3,500 rual chu Home Ministry in phalna a pek hnuah Punjab ah hian an let a ni.
Punjab-ah hian coronavirus kai mi 539 an awm tawh a, mi 19-in an thihpui a ni.
