Heng mite hi inhlawhfaa hmundanga awm an ni a, Jalna a\anga km 157 vela hla Bhusaval-ah ke-in kal an tum a, rel kawngah hian hahchawlin an muhil a, an vaiin mi 20 an ni. Hetia an muthilh lai hian bungraw phur rel chu tlanin an zinga mi 15 te chu a chil hlum a, dam zinga mi 4 chu police ten thu zawtfiah turin an la a, mi dang pakhat chu a hliam enkawl turin damdawi inah hruai a ni.
Railway Ministry tarlan danin rel khalhtu chuan rel kawnga mihring mu a hmuh veleh rel chu tihdan a tum a, amaherawhchu, a tiding zo ta lo va, mi 15-in nunna an chan phah a ni. A chilna hmun hi Badnapur leh Karmad station huam chhung a ni a, thil thlen dan chhui chiang turin thupek chhuah a ni tawh tih railway ministry chuan a sawi.
