Madras High Court-in Court hmuna police-in mi man phal a nih loh thu sawi

Court hmuna police-in mi an man phal a nih loh thu Madras High Court Chief justice Indira Banerjee-in a sawi. Pi Banerjee chuan hei hi Supreme Court-in inkaihhruaina dan a neih sa a nih thu leh kumin April thla ni 10-a Tirupur-a Magistrate Court-a thil thleng a thlirletna-ah thil lungawiloh thlak tak tak a hmuchhuak tih a sawi bawk a, hemi \um hian tualthata puh mi pakhat, Judicial Magistrate hmaa inpe tura kal chu police-te’n man an tum a, mahse helai hmuna awm ukilte’n an remtih loh vangin man a ni ta lo a, an buai deuh vang hian court pawh hun eng emaw chen rorel thei loin a awm bawk a ni. Tirupur Bar Association chuan Magistrate hmaa inpe tura kal lo man chu dan kalh a nih thu leh, hemi \uma tualthata puh man tumtu police-te chu hrem ngei tumin an bei ve bawk a, Pi Banerjee pawh hian police-te hi hrem ngei an ih tur thu leh thil thlen dan kimchang tak Government Pleader hnenah a thlen tawh thu a sawi bawk a ni.