He pa pakhat hi zankhuaa mitthi dahna in-a a awm hnu, a tuka post mortem tura a ruang lak chhuah an tum chuan a lo la thi lo tih hmuh chhuah a ni a, doctor ten enkawl zui leh mahse chawhma dar 10.20 ah a thi ta tho a ni.
Kum 72 mi Kashiram hi khawlaiah nikhaw hre lova chhar a nih hnuin Bina Civil hospital, Sagar District ah Ningani khan dahluh a ni a, doctor duty chuan zan dar 9 velah a thi tih Police te a hriattir a, a tuka Police ten post mortem tura ruang lakchhuah an tum chuan a lo la thi lo tih an va hmu chhuak tih police officer Virram Singh chuan a sawi.
Police te chuan he thil thleng hi damdawiina thawktute inthlahdahna lian tak anih avangin a \ul angin hma an la nghal tih an sawi a, chief medical officer Dr RS Roshan chuan he thil thlen dan hi an chhui chiang nghal tih a sawi bawk.
