PM a hmuhnaah hian Scindia hi Home Minister, Amit Shah-a’n a \awiawm a. Madhya Pradesh-ah hian Congress sorkar chu tlu mai thei dinhmunah a ding a ni.
Madhya Pradesh-ah hian Congress MLA 20 bawrin Madhya Pradesh Assembly Speaker hnenah banna thehluh an tum bawk a. Scindia hian banna a thehluh hma hian Congress chuan Scindia chu hmuh tum \hin mahse, an hmu thei lo tih Madhya Pradesh Chief Minister hlui, Digvijaya Singh chuan a sawi a, inbiakpawhna kaltlanga an hmuh duh thu an hrilh chuan swine flu a vei tih an hrilh a, an bei zui thei chuang lo niin a sawi bawk.
Congress hruaitu Sachin Pilot leh Karan Singh te chuan Congress sorkar tundin tumin an bei zui zel a, Pilot hi Rajasthan Deputy Chief Minister a ni a, Madhya Pradesh-a Congress sorkar buaina chu tawp thuai se a duh tih a sawi.
Scindia hi kum 2018 December thla khan chief ministers a nih theih dan tur kawhhmuh a ni a, Rajya Sabha member atana dah pawh Congress chuan a lo remti tawh nia sawi a ni a, he thu hi chiang taka sawi chian erawh an awm lo a ni.
Tun dinhmunah Madhya Pradesh sorkar hian MLA 120 a nei mek a, assembly member 230-ah majority 116 chu member 4-in an khum a ni.
Member 120 zinga 114 te chu Congress an ni a, midang pahnih te chu BSP a ni a, pakhat chu Samajwadi party mi leh mi pali dangte chu independent an ni thung. Hetihlai hian BJP chuan MLA 107 neiin seat hnih awl an nei mek bawk.
MLA 17, banna thehluh tumten an tum an tihhlawhtlin chuan Congress sorkar chu a tlu dawn a ni.
Madhya Pradesh Chief Minister, Kamal Nath-a kaihhruai sorkar buaina hi kar kalta khan a in\an a, MLA 10 te chu BJP-in cheng vbc 35 tawktarhin an party-a lut turin an thlem nia sawi a ni. Hetihlai hian Digivijaya Singh-a kaihhruaiin an mi leh sate lak let tumin beihpuithlak a ni a, hetah hian MLA 6 an hruai kir thei a ni.
