Madhya Pradesh Congress hruaitu hlui, Jyotiraditya Scindia-a’n BJP a zawm tak vang leh MLA 20 aia tam Congress a\anga an ban tak avangin Congress sorkar chu tlu chhe mai thei dinhmunah a ding tawh.

Kamal Nath-a kaihhruai Madhya Pradesh sorkar chu BJP chuan paihthlak tumin \an an la mek a, MLA bang ta te chu State pawn lama hotel pakhatah an dah hrang a ni.

Congress chuan MLA bang ta te chu abika tirh thlawhna hmangin Bengaluru-ah BJP zawm turin Thawh\anni khan hruai an ni an ti a, Congress hotu DK Shivakumar chuan Bengaluru-a an party laka helte nen an inbiak pawh reng thu a sawi a, a tam zawk chu an party-a kir leh tum an ni tih a sawi bawk.

Hetihlai hian BJP chuan Congress laka hela minister hlui 6 ten Congress an chhuahsan tih an sawina audio clip an tlangzarh a ni.

Jyotiraditya Scindia hian BJP a zawm tukah Union Defence Minister, Rajnath Singh a hmu a, thil pawimawh hrang hrang an sawidun a ni. Rajnath Singh chuan Scindia-a’n a party a zawm chu thil lawmawm tak a nih thu sawiin, an party tan pawh chakna hnar a nih ngei a beisei tih a sawi a, Scindia chu duhsakna a hlan bawk a ni.