Kar engemawzat kaltaa BJP MP Pragya Singh Thakur-in Nathuram Godse chu ram hmangaihtu-a a chhal avanga BJP President Amit Shah leh PM Modi te’n zilhhau-a ngaihdam dil turin an ti a, Indore-a BJP MLA Usha Thakur chuan Godse kha a damchhunga ram \hatna tur ngaihtuah mi niin a sawi a, Mahatma Gandhi a kahhlum chungchangah chuan he thuthlukna siam tur hian eng thilte nge thleng tak chu Godse chauhin a hria ang tiin midangin an ngaihdan lo sawi ve na chi a ni lo a ti bawk a ni.
Usha Thakur hian kum 2014 khan hmar lam state \henkhata lawm \hin kût, “Garba”-ah hmeichhia nuai 4 vel Islam sakhuaah an inlet \hin nia sawiin Muslim mi te he kut-a tel ve khap a lo rawt tawh a, hemi \um pawh hian sawisel a lo hlawh nasa tawh hle a ni.
Congress party thupuangtu Neelabh Shukla chuan heng mite thu sawi hian BJP hmel dik tak a tilang a ni tiin BJP chu Usha Thakur leh Pragya Thakur te hi ban turin a phut a, heng mi te hi ram mipui lakah ngaihdam dil turin a phut bawk a ni.
PM Modi pawhin Pragya Thakur-i’n Godse a fak \um khan a lo dem tawh a, \awngchhuah hmain inngaihtuah ngun phawt tur a ni a ti a, ngaihdam dil pawh ni se a thinlungah a ngaihdam theih loh tur thu a lo sawi tawh a ni.
