Madhya Pradesh Sarsinghpur District-ah Petrol Pump-a ding petrol phur truck chu a kang a, truck driver hian truck kang lai hi hmun him zawkah rang takin a khalh sawn avangin chhiatna lian zawk thleng thei pumpelh a ni. Petrol Pump ah hian petrol thun tum lirthei tam tak an intlar lai a ni a, Truck a kang tih hriat a nih veleh a vela awmte hi an phili buai nasa hle a, Truck Driver Sajit hian huaisen takin truck kang hi hmun him lamah a khalh sawn vat a, chhiatna lian zawk thleng thei pumpelh a ni ta a ni. Sajid hi a kut leh a ban velah te a kang hliam nual a, a bul hnai damdawiin ah enkawl nghal a ni. Narsinghpur khua hi state khawpui Bhopal a\anga km 225-a hlaa awm, khualzin te tlawh nasat tak a ni.
Chanchin Thar Madhya Pradesh-ah petrol pump kang
