He thil thlenna hmun hi Madhya Pradesh khawpui Bhopal-a Dewas district-ah a ni a, khawlai thian thianghlim tura thawkchhuak zinga pakhat chu mi pakhatin hreipui nen a bei a, a kutah na takin a hliam a, damdawi inah hruai a ni.
He inbeihnaah hian mipuite chuan tiang leh hmanraw dangte kengin hnathawktute hi an hual a, an zinga pakhat Adila tia hriat chu mawhphurtuah puhin police ten an man tawh a, hetihlai hian Adil-a unaupa hi a tlanbo nia sawi a ni.
Madhya Pradesh-ah hian damdawi lam hnathawktu leh tualchhung thuneitute chuan coronavirus endik hna an thawh laiin beih an lo tawk tawh a, doctor hmeichhe pahnih an hliam a, Bhopal-ah pawh mipuiin police constable duty lai an lo bei tawh bawk.
Madhya Pradesh-ah hian tun dinhmunah coronavirus kai mi 1,310 an awm mek a, mi 69-in an thihpui tawh a ni.
