Puan tawh angin Madhya Pradesh-ah hian sorkarna siam tur chuan seat 116 a ngai a, Congress hian seat 114 an lak laiin BJP chuan 109 an la ve thung a, Bahujan Samajwadi Party hian seat pahnih an lak laiin, Samajwadi Party hian seat pakhat an la ve bawk a, party pahnihte nen \angkawp hian Congress chuan seat 116 a nei pha chiah chiah dawn a ni.
Bahujan Samajwadi Party hruaitu, Mayawati chuan Congress thiltumte chu pawm vek lo mahse, BJP-in thuneihna an neih an duh loh avangin an thlawp dawn tih a sawi a, hei hi inthlan an chuh ve chhan ber pawh niin a sawi bawk a, Mayawati hian Congress pawh a dim lo hle a, ramchhung hmun tam zawka ro lo rel tawh, an thawh \hat tawk loh vanga state party leh BJP-te pawh hi din niin a sawi a, BJP nen hian lawm hlawh tawh lo hle mahse, ram mipui tam zawkte chuan duh thlan tur dang an neih loh avangin Congress chu thlan tlin an ni ta niin a sawi bawk a ni.
