Mara Autonomous District Council-a Chief Executive Member, Pu N. Zakhai chuan nimin khan MADC hnuaia Administrative Reform Commission Office a hawng. Hawnna thusawiin CEM chuan, hei hi MADC-a Congress sorkarin inthlan dawna a thutiam a bawhzuina niin a sawi a, he Commission hian Mara Autonomous District Council-a inrelbawlna \ha zawk leh felfai zawk a awm theih nan hna a thawk dawn niin a sawi a ni. He Administrative Reform Commission-ah hian IAS officer pension tawh, Pu K. Riachho chu Chairman atan dah a ni a, Pu K. Riachho chuan sorkar \ha nei tur chuan hnathawh chi tin, mipui tana lang tlang theia siam a ngai nia sawiin, chumi tihlawhtling tur chuan dan \ha taka zawma hnathawh a ngai niin a sawi bawk. He Commission-ah hian Chairman, Pu K. Riachho bakah member-te chu Derrick Salai, Pu Beila Khithie leh Pu TA. Chhotu te an ni. He office hawnna inkhawm hi MADC Executive Secretary, Pu V. Zacho-in a kaihruai a ni.
