Tunah hian hmun tin leh khaw tinah ZPM Local Steering Committee a ding chho mek a, hei hi party dangten an helh avangin sawichhiatna tur an zawng a, thil dang an hriat chuan loh avangin Symbol-a inthurual thei lo leh ZPM hi an sorkar loh chuan inthlan zawhah a tawp leh mai dawn titen dawt hmangin an chirhtheh mek niin a sawi a. Hei hi dawt a nih miau avangin dawt chu a tlo lova, an chirhthehna zawng zawng hi thu dik lo mai a ni tih a lang chhuak thuai dawn a, chutih hunah chuan an mite hi an chelh bet reng thei tawh dawn lova, nakin lawkah an elpui tur party pahnihte hi, an mi ten an chhuahsan avangin a chimin an la chim dawn niin a sawi. Pu Lalrinzuala chuan, kumin kumtawpa Mizoramin Assembly inthlanpui an hmachhawn tur chu kut hnathawktute rapbettu leh kut hnathawktute din chhuah tir duhtute, \halaite hmakhua tihchhiat tumtute leh \halaite tana khawvel thar siam tumtute indona tur a nih avangin hmun hrang hranga ZPM workers zawng zawngte chu Pathian rinchhan chung a ram la tur a, hmalam pan zel turin a chah a ni.
