Inthlan dawnah MLA candidate-ten mipuite chu chhungkhat leh \hianthaa siam tumin theihtawp an chhuah \hin a, tunah an han tling ta chenga an bial mipuite chu an tan phurrit satliah nia ngaih theih tura an hlawh tihsan phut nan mipui an chhuanlam chu a zahtheih loh thlak hle a ni, a ti a. MLA nihna hmanga mipui rawng an bawlna hi phurrit-a an ngai a nih chuan MLA an nihna a\angin bang se, tun hnuah chuan ding nawn tawh lo ngam se a duh tih a sawi. Pu SL.Chhunga chuan, RMSA leh SSA hnuaia hnathawk, Federation of Mizoram Samagra Employees- te an dinhmun ennawn phuta an nuar mek chu awm a tihpui thu leh tuna alan danah chuan MNF hi a sorkar chhunzawm tawh hmel loh avangin inthlan hmaa an lo tiam tawh angin SSA leh RMSA-a thawkte chu a tahtawla dah nghet turin a ngen a ni. MNF leh Congress Party chu Bangladesh a\anga dan lova Mizorama rawn pemlut Chakma te avangin ramri venhim kawngah an entawn tlak loh zia chiang takin a lang a ni, a ti a. ZPM a sorkar hunah chuan ramri-a Mizo mipuiten an beisei ang hmalakna an hmu ngei dawn a ni, a ti.
He inkhawm hi ZPM Southern Headquarters Treasurer, Pi Lalrinpuii’n a kaihhruai a, President, Pu V. Malsawmtluanga leh Vice President, Pu C. Lalhminglianate pawhin thu an sawi bawk.
